വീണ്ടുമൊരു ചുംബനസമരത്തിനായ്

 ഞാനാശിക്കുന്നു വീണ്ടുമൊരു ചുംബനസമരത്തിനായ്,
എനിക്കുവേണ്ടത്‌,
കാമിതാക്കളെയൊ, പ്രണയിനികളെയൊ അല്ല,
സദാചാരം പൂജിക്കുന്നവരുടുയോ പുച്ചിക്കുന്നവരുടെയോ
ഗർജനങ്ങളും വേണ്ട.
മാതാക്കളും പിതാക്കളും അണിനിരക്കട്ടെ,
മനുഷ്യനായ് ജെനിച്ച മക്കളും വരട്ടെ..
സൂര്യൻ ഉറക്കത്തിലേക്കു വഴുതിവീഴുന്ന
ഒരു സായാഹ്നത്തിൽ
അവരുടെ കവിളിൽ സ്നേഹചുംബനം നല്ക്കാൻ
പതിന്മടങ്ങ്‌ സ്നേഹച്ചുംബനങ്ങൾ
നെരുകയിലെക്കെറ്റുവാങ്ങുവാൻ
ഒരു ചുംബന സമരം കൂടി വരട്ടെ
അത് മറ്റുള്ളവർ കാണട്ടെ
വൃദ്ധ സദനതിലേക്കും, തെരുവിലേക്കും
വലിച്ചെറിയപ്പെട്ട മാതാപിതാക്കൽക്കുവേണ്ടി,
സ്നേഹം നമുക്ക് അന്യമായിട്ടില്ല
എന്നറിയിക്കാൻ ഒരു സമരം
ഒരു ചുംബന സമരം...

               ----ധനേഷ്